Երիկամային քարը պինդ մարմին է, որն առաջանում է մեզում առկա հանքանյութերից և աղից։ Բոլորս էլ կարող ենք ունենալ երիկամային քարեր, սակայն որոշ սննդային գործոններ և առողջական խնդիրներ մեծացնում են դրա ռիսկը։ Երիկամային քարերի ախտանշաններն են մեջքի ուժգին ցավ, ցավ միզելուց, արյունամիզություն և այլն։ Դուք կարող եք կանխարգելել երիկամային քարերը շատ հեղուկ խմելով, քիչ աղ ուտելով և ավելի շատ մրգեր և բանջարեղեններ օգտագործելով։
Ակնեն մաշկային խնդիր է, որի պատճառով մաշկի վրա առաջանում են սպիտակ և սև կոմեդոններ, պզուկներ: Ակնեն ավելի հաճախ հանդիպում է դեռահասների և երիտասարդների շրջանում: Ակնեն սովորաբար առաջանում է դեմքին, ճակատին, պարանոցին, կրծքավանդակին, մեջքի վերին հատվածներում, բազուկներին: Ակնեի հիմնական պատճառը մազային ֆոլիկուլների խցանումն է: Ակնեի բուժման համար կան բազմաթիվ դեղեր՝ և՛ տեղային օգտագործման և՛ խմելու համար նախատեսված:
Ինֆեկցիոն կամ վարակիչ հիվանդությունները վիրուսներով, բակտերիաներով, սնկերով և մակաբույծներով հարուցվող բազմազան հիվանդություններ են։ Բոլորս էլ կարող ենք ձեռք բերել ինֆեկցիոն հիվանդություններ։ Սակայն ռիսկն ավելի բարձր է թուլացած իմունային համակարգով մարդկանց մոտ։ Ախտանիշները շատ տարբեր են և հիմնականում ոչ սպեցիֆիկ։ Ախտորոշումը և բուժումը նույնպես տարբեր են, և կախված են, նրանից, թե կոնկրետ ինչ վարակիչ հիվանդություն ունեք։
Հիպոթիրեոզը վիճակ է, երբ վահանաձև գեղձը չի արտադրում բավարար քանակի հորմոններ։ Ախտանշանները զարգանում են աստիճանաբար, Դուք կարող եք ունենալ քաշի արտասովոր ավելացում և անընդհատ հոգնածության զգացում։ Հիպոթիրեոզի ախտորոշումը կատարվում է արյան մեր ԹԽՀ-ի և վահանագեղձի հորմոնների մակարդակի որոշմամբ։ Բուժումը լևոթիրոքսինն է, որը փոխարինում է անբավարար հորմոններին։
Հորմոնները մեր օրգանիզմում տարբեր ֆունկցիաներ կարգավորող նյութեր են։ Դրանք ազդում են մեր օրգանզիմի աճի, զարգացման և մետաբոլիզմի վրա, կարգավորում են վերարտադրողական ֆունկցիան, էլեկտրոլիտների և հեղուկի քանակը։ Մեր օրգանիզմում էնդոկրին համակարգի և այլ օրգանների կողմից արտադրվում են 50-ից ավելի հորմոններ։
